NASA ғалымдары Марстан алғаш рет су тапты. Ол планетаның бетінен үлкен тереңдікте табылды. Бұл туралы Stan.kz ақпарат агенттігі BBC арнасына сілтеме жасап хабарлайды.

Ғалымдар NASA-ның Mars Insight Lander зонды жинаған мәліметтерінін Марстың терең қабатында су жиналған "көпіршік” бар екенін анықтады.

Бұған дейін көрші планетада су сұйық күйде емес, полюстерде мұз және атмосферада бу қалдықтары түрінде анықталған еді, енді сұйық күйі бар екені анықталды. 

Mars Insight Lander зонды 2018 жылы көрші планетаның бетіне қонды және 2022 жылдың соңына дейін бір орында тыныш тұрып, сейсмографтың көмегімен Марс қыртысының сілкінісін зерттеді.

Ғалымдар сейсмикалық толқындардың жылдамдығын өлшей отырып, олардың қандай ортадан өтіп жатқанын жоғары ықтималдықпен анықтай алады.

Талдау Марс бетінің астында судың 10-20 шақырым тереңдікте жатқанын көрсетті.

Марстың бетін зерттеген ғалымдар бұрыннан оның үстінде су болған деген қорытындыға келген, өйткені бетінде өзен-көлдердің іздері бар. Бірақ соңғы үш миллиард жыл шөлді болды.

Судың бір бөлігі буланып, Марс атмосферасымен бірге ғарышқа ұшты. Бірақ кейбіреулері жердің астында қалған. Калифорния университетінің профессоры Манга біздің планетамызда судың едәуір көп бөлігі жер астында екенін еске салады және Марста да дәл солай болуы мүмкін дейді.

Insight зонды сейсмикалық толқындарды тіркеді, сәйкесінше, болжамды су кені де дәл осы жерде табылды, бірақ ғалымдар мұндай кен орындары Марстың басқа жерлерінде де бар деп есептейді.

Егер бұл шынымен де солай болса, Марстың бүкіл бетін су қабатымен жабу үшін қалыңдығы бір жарым шақырымнан асатын жеткілікті су болуы керек.

Бұл Марсты отарлауды жоспарлаған кейбір миллиардерлер үшін жақсы емес.

"Ол жер қыртысында 10-20 шақырым тереңдікте жасырылған. Марста 10 шақырым тереңдікт бұрғылау тіпті Илон Маск үшін қиын болар еді", – деді профессор Майкл Манга.

Еске салсақ, бұған дейін NASA Марсқа төрт адам жіберіп өмір сүру деңгейіне жасалған зерттеуді сәтті аяқтаған еді.