Түркияда ауа температурасы рекордтық деңгейге жетуі мүмкін - метеоролог

Фото: Pixabay.com

Түркияда шілде-тамыз айларында рекордтық аптап ыстық болуы мүмкін. Бұл туралы Ыстанбұл техникалық университетінің метеоролог профессоры Орхан Шен мәлімдеді, деп  хабарлайды Egemen.kz. 

«Шілде мен тамыз қазіргіден де ыстық болады, рекордтық деңгейге жетуі мүмкін. Өткен жылы Ыстанбұлда термометр 41,3 градусқа жетіп, 1938 жылғы 40,6 градустан асып түсті. Бұл соңғы 85 жылдағы ең ыстық температура болды. Биыл 42-43 градус ыстық болуы мүмкін. Дайын болыңыздар», дейді метеоролог.

Оның айтуынша, ғаламдық жылыну шарықтау шегіне жеткенде метеорологиялық өзгерістердің кенеттен болуы қалыпты жағдай.

«Біз мұны аптаның басында көрдік: температура 7-8 градусқа көтеріліп, демалыс күндері аздап төмендеді. Бірақ сейсенбіден бастап қайтадан ыси бастайды. Бұл − жүйе. Егер ол 5 күнге созылса, орташа деңгейден 5 градусқа жоғары болса, оны жылу толқыны деп атайды. Биыл мұндай ауа райы жиі сезілетін болады. Сонымен қатар нөсер жаңбыр, бұршақ жауып, су тасқыны болады. Жаз қаншалықты ыстық болса, қыс сондай суық болады», деді О.Шен.

Л.Н. Гумилев атындағы ЕҰУ студенті