Рим Папасы Франциск Газа секторына жедел гуманитарлық көмек көрсетуге шақырды

Рим Папасы Франциск Газа секторындағы палестиналықтарға жедел көмек көрсетуге шақырды. Ол сонымен қатар Израиль мен ХАМАС дереу атысты тоқтатып, кепілге алынғандарды босату туралы ұсыныстарды қабылдауы керек екенін айтты. Бұл туралы Stan.kz ақпарат агенттігі хабарлайды.

Жексенбілік рәсім кезінде Франциск осы аптада палестиналықтарға гуманитарлық көмек көрсету жөніндегі халықаралық конференция өткізетін Иорданияға алғысын айтты.

"Мен халықаралық қауымдастықты соғыстан шаршаған Газа тұрғындарына көмекке келу үшін шұғыл және барлық тәсілдермен әрекет етуге шақырамын. Гуманитарлық көмек мұқтаж адамдарға жетуі керек және оған ешкім кедергі бола алмайды", – деді ол.

Ол бұрын Ватикан бақтарында Израильдің бұрынғы президенті Шимон Перес пен Палестина басшысы Махмуд Аббаспен бірге бейбіт дұғаға жасағанына10 жыл толғанын еске салды.

"Бұл кездесу қол алысу мүмкін екенін және бейбітшілікке жету үшін батылдық қажет екенін көрсетті. Келісім соғысқа қарағанда әлдеқайда батылдықты талап етеді", – деп қосты ол.

Рим Папасы атысты тоқтату туралы ұсыныстарды қолдады және келіссөздер "қиын"екенін мойындағанымен, бұл шарттарды екі тарап тез қабылдайды деп үміттенетінін алға тартты.