EXPO көрмесінен кейін Грузия баламалы қуат көзін дамытуды қолға алды

Грузия үкіметі баламалы қуат көзін дамытуды қолға алды.
Елдің энергетика министрлігі Астанада өткен «ЭКСПО-2017» көрмесіне қатысқаннан кейін осы бағытта белсенді жұмыс атқарып жатыр. Халықаралық шарадан кейін ел билігі энергетика саласына инвестиция тарту жөнінде жоспар құрып, нақты қадамдар жасай бастады. Сарапшылар да Грузияның әлеуеті зор деп отыр.
Леван Павленишвили, баламалы қуат көзі жөніндегі сарапшы:
– Баламалы қуат көзі мәселесінде инвестицияның рөлі зор. Бұл – жел энергиясы. Сонымен қатар жылдан жылға қолжетімді болып келе жатқан күн энергиясын өндіру бағытындағы жекелеген бастамалар да маңызды. Дамыған елдерде, мысалы, Қазақстанда осы саланы қолдайтын көптеген жоба жұмыс істейді. Бұл да біздің елге оң әсерін тигізіп отыр.