Әлемдегі табысты инвесторлардың бірі бірегей жобаға қаржы салмақ, деп хабарлайды Baq.kz ақпарат агенттігі life.ru сайтына сілтеме жасап.
Америкалық инвестор әрі бизнесмен, Pay Pal төлемдер қызметі құрушыларының бірі Питер Тиль толықтай су бетінде орналасатын мемлекетті салу үшін 50 млн доллар қаржысын бермек. Бизнесмен белгілі ғалым, архитекторлармен және Полинезия билігінің көмегімен кішігірім мемлекет құруды жоспарлап отыр. Аталған мемлекетте тұрғындар 300 ірі объектіге орналастырылады.
Уорвик университетінің ғалымдары осылайша өзінің Vayron цифрлық валютасы бар тәуелсіз мемлекет құруды жоспарлап отыр. Жобаны жүзеге асыру үшін барлық заманауи материалдар мен энергия үнемдейтін технологиялар қолданылады. Жалпы объект 118 аралдан құралмақ. Олардың әрқайсысының қоршаулары болады. Кешен Таити жағалауында салынады деп жоспарланып отыр.