Эстонияда 100-ге жуық жаңа арал пайда болды
Эстонияның Жер қатынастары департаменті ел картасын жаңартты, - деп хабарлайды Tengritravel.kz тілшісі 34travel.me сайтына сілтеме жасап.
Нәтижесінде оның аумағы кішірейіп қалған. Дегенмен мемлекетте аралдар саны көбейген.Жағалау сызығын картаға түсіру жұмыстары 2020 жылы алынған аэросуреттер мен әуе лазерлік сканерлеу деректері негізінде жүргізілді.
Соңғы бірнеше жыл бойы ғалымдар оларды зерделеп, қолда бар деректермен салыстырған болатын. Осылайша жағалау сызығының өзгеруі салдарынан Эстония 4 мың шақырым жерінен айырылды. Енді оның аумағы - 45 335 шаршы шақырымды құрайды.
Алайда бұның бір жағымды тұсы - аралдар саны көбейді. Қазір Эстониядағы 2222 аралға тағы 95-і қосылды. Олар жағалау эрозиясы мен аккреция салдарынан пайда болған.
