Қытай 2026 жылы үлкен спектроскопиялық телескопты пайдалануға беруді жоспарлап отыр
Экзопланеталарды іздеуге арналған үлкен спектроскопиялық телескоп (Jiaotong University Spectroscopic Telescope) құрылысын аяқтау және пайдалануға беру 2026 жылға жоспарланған, деп хабарлайды Синьхуа ақпарат агенттігі.
Бұл телескоп Қытайдың солтүстік-батысындағы Цинхай провинциясының Лэнху кентінің жанындағы Сайшитэн тауында салынады.
Апертурасы 4,4 метр телескоп мақсатты дереккөздер арасында жылдам ауысуға қабілетті, бұл спектрлік бақылауды уақытында жүргізуге мүмкіндік береді.
Ғалымдардың айтуынша, бұл бірнеше салада, соның ішінде астрономия мен экзопланеталарды зерттеуде бірқатар серпінді зерттеу нәтижелерін береді деп күтілуде.
«Ол ұзақ уақыт бойы Қытайдағы ең озық спектрлік телескоп болып қала береді», - делінген Шанхайдың «Цзяотун» университетінің хабарламасында.
Бұл жабдық бір уақытта көпмақсатты және жоғары дәлдіктегі спектрлік бақылауларды жүргізуге мүмкіндік береді және ол осындай бақылау жүргізетін бірінші құрал болмақ. Телескоп экзопланетаны анықтау тиімділігін айтарлықтай арттырады деп күтілуде.
kaz.inform.kz
