Илон Маскпен кездесіп жүрген бикештің есімі кім?

Charles Sykes/Invision/AP Әлемдегі қалтасы қалың өнертапқыш Илон Маск қауырт шаруадан қолы қалт еткенде кездесіп, көңіл қосатын әйел затының есімі белгілі болды.

Space-X компаниясы иесінің бұл жолғы қалаулысы Граймс деген сахналық атпен танымал канадалық әнші болып шықты. Папарацци Маск пен Граймсты жыл сайын өтетін Met Gala костюмдер балына қол ұстасып келген жерден фотоға түсіріп алған.

Граймстың ресми құжат бойынша шын есімі Клер Элис Буше. Клер тек ғана әнші емес, сонымен қатар режиссер, продюсер және қылқалам шебері екен.

30 жастағы дарын иесі Илон Маскпен аяқ астынан твиттердегі парақшасы арқылы танысқан. Дәлірек айтсақ, жасанды интеллектке қатысты жариялаған твит Масктің көңілінен шығып, Граймс екеуінің ойы бір жерден шыққанын байқаған ол, әнші қызбен кездесуді бастаған.