Құрамында қанты көп сусындарға салық салынуы керек. Германиялық дәрігерлер осындай бастама көтеріп, канцлерге арнайы хат жолдады. Мұнда 2 мыңға жуық медицина маманы диабет пен семіздікке әкелетін сусындарға акциз бекітуді талап еткен. Өйткені қазір бұл аталған дерт түрі кең етек жайып келеді. Ал онымен күрестің негізгі әдісі ретінде жарнамалауға тыйым салып, акциз енгізуді заң жүзінде бекіту керек дейді. Статистика бойынша соңғы 40 жылда 5 пен 19 жас аралығындағы балалардың семіздікке шалдығу көрсеткіші 10 есе артқан. «Сондықтан тығырықтын шығудың жолы оны тұтынуды азайту және салуатты өмір салтын ұстану», – дейді мамандар.