Күншығыс елінің инженерлері жаңа робот-трансформер жасап шығарды. Бұл құлтемір бір минут ішінде екі адам сыятын автокөлікке айнала алады. Өзге құрылғылардан бір ерекшелігі, салондағылар ішінде отырып-ақ кескін-келбетін өзгертеді. Алайда бұл робот әлі фабрика аумағынан аттап шықпапты. Оны жасағандар жақын арада Флоридадағы көрмеге апарамыз деп отыр. Әрі жаңа құлтемір саябақ иелері мен түрлі шеру өткізушілердің қызығушылығын тудыратынына үмітті.