Үндістанда оқушылар автобусы пойызбен соқтығысты

Үндістанда оқушылар мінген автобус пойызбен соқтығысып, 13 мектеп оқушысы қаза тапты. Сонымен қатар сегіз оқушы түрлі жарақат алған. Бұл туралы NDTV телеканалы хабарлады. Оқиға Горакхпур қаласына 50 шақырым жердегі Уттар-Прадеш штатында болған. Автобус жүргізушісі теміржолды өтпек болғанда, асқан жылдамдықпен келе жатқан пойыз көлікті соғып өткен.