Испания астанасындағы жарылыс: Қаза тапқандар арасында қазақстандықтар бар ма?
Сәрсенбіде Испания астанасының орталығындағы ғимараттардың бірінде қатты жарылыс болды. Сыртқы істер министрлігі қаза тапқандар мен зардап шеккендердің арасында Қазақстан азаматтары бар, жоғы туралы ақпарат берді, деп хабарлайды Stan.kz ақпарат агенттігі.
20 қаңтарында (жергілікті уақыт бойынша сағат 15:00 шамасында) Мадрид қаласында Толедо көшесіндегі ғимараттардың бірінде жарылыс болды.
Алдын ала мәліметтер бойынша, жарылыс салдарынан қаза тапқандар мен жараланғандар бар.
Қазақстанның Мадридтегі консулы жергілікті билікпен байланыста. Қазіргі уақытта қаза тапқандар мен зардап шеккендердің арасында Қазақстан азаматтарының бар-жоғы анықталуда.
