"Мен, Джо Байден Америка Құрама Штаттарының Президенті ретіндегі міндеттерімді адал атқаратыныма және Америка Құрама Штаттарының конституциясын қолымнан келгенше қолдаймын, сақтаймын және қорғаймын", - деді Байден оң қолын көтеріп, сол қолын Киелі кітапқа қойып.

78 жастағы демократ Байден АҚШ-тың 46-президенті болды. Ол қарашадағы сайлауда республикашыл Дональд Трампты жеңді.

Айта кетейік, Дональд Трамп Байденнің инаугурациясына қатысудан бас тартты.

Сондай-ақ, рәсім кезінде Камила Харрис ант берді, ол Америка Құрама Штаттарының вице-президенті қызметіне кірісті. Бұған дейін Джо Байденнің инаугурациясының қонақтары, оның ішінде Барак Обама, қызметінен кетіп жатқан АҚШ вице-президенті Майк Пенсті қол шапалақтап қарсы алды, салтанатты рәсімде ол бұрынғы әкімшіліктің өкілі болды.

Алғаш рет АҚШ президентін ұлықтау рәсімі қысқартылған форматта өтті, жиналғандардың барлығы бетперде тағып, әлеуметтік арақашықтықты сақтады.