ДДСҰ әлем жұртын шетелге көп шықпауға шақырды
Дүниежүзілік денсаулық сақтау ұйымының бас ғылыми қызметкері Сумия Сваминатан әлем жұртын көп қыдырмауға шақырды, деп хабарлайды Stan.kz ақпарат агенттігі.
Сөзінше, егер пандемия кезінде басқа елге саяхаттағыңыз келсе, бірнеше қағидаларды естен шығармаған жөн.
"Егер сіз автобуста немесе көлікте, тіпті, пойызда болсаңыз, терезені ашып, отырған жеріңізді желдетіп отырңыз. Масканы бетіңізден тастамаңыз", - дейді сарапшы.
Бұған қоса, ол өзіңізбен бірге залалсыздандыру құралдарын үнемі алып, қолды күніне бірнеше рет жуу керектігін алға тартты. Ал егер өзіңізді жайсыз сезінсеңіз, одан да ешқайда шықпай-ақ қойған дұрыс.
ДДСҰ қызметкері алда келе жатқан мереклерді отбасының ортасында өткізуге шақырды.
