Австралия жағалауынан хат салынған шөлмек табылды
Австралия жағалауынан ішінде өткен заманда жазылған хаты бар шөлмек табылды.Оны әлдекім мұхитқа 132 жыл бұрын тастапты. Шөлмекті жергілікті тұрғын кездейсоқ тауып алған. Бір жапырақ қағазда «12 маусым, 1886 жыл» және «Паула» деген неміс кемесінің атауы жазылған. Негізі, бұрын мұндай бөтелкелерді су асты ағысын зерттеу мақсатында әдейі мұхиттарға лақтырып отырған. Сарапшылар олжаның сол ғасырда жазылғандығын растады. Тағы бір жайт, осы күнге дейін 108 жыл бұрын табылған хат ең ескі саналып келген еді.
Тоня Илман, жергілікті тұрғын:
- Серуендеп шыққанмын. Жағалау маңынан қоқысты көзім шалып, сол жерді жинастыра бастаған едім, осы бөтелкені тауып алдым.
Пікір 1