Америкалық келіншек тұңғыш егіз ұлын 2019 жылдың наурызында өмірге әкелген, ал мамырда тағы да аяғы ауыр екенін білген.

АҚШ Флорида штатының Уэст-Палм-Бич қаласында тұратын Александрия Уоллистон бір жылдың ішінде екі рет егіз босанды. Енді әйелдің төрт ұлы бар, - деп хабарлайды sputniknews.kz

Тұңғыш егіз ұлын 2019 жылдың наурызында өмірге әкелген. Ал мамыр айында келіншек тағы да аяғы ауыр екенін біледі. Дәрігерлер Александрияға егіз күтіп жүргенін айтқан. Осылайша 2019 жылдың 27 желтоқсанында тағы да егіз ұл босанған.

Александрияның айтуынша, оның марқұм екі әжесінің де босану кезінде егіз сәбилері шетінеп кеткен. Жас ана төрт ұлын апаларының сыйы деп есептейді.

Әйелдің төрт ұлдан бөлек үш жасар қызы да бар. Америкалық келіншек қызының тынымсыз екенін айтады.

"Өте белсенді қыз. Құдды бір емес, екі қыз тәрбиелеп отырған сияқтымын. Енді лотереядан джекпот ұтып алғандай сезімде отырмын", - деп әзілдеді әйел.