Португалияда көзі жоқ бала дүниеге келді
7 қазан күні Португалияның Сетубал қаласында мұрны, көзі және бас сүйегінің бір бөлігі жоқ бала дүниеге келді. Акушер Артуро Карвалью немқұрайлық танытқаны үшін қызметінен шеттетілді деп жазады ҚазАқпарат агенттігі.Автордың айтуынша, бұған дейін де бұл акушерге қатысты кемінде алты шағым түскен.
– Родриго есімді баланың анасы үш рет УДЗ жасатқан, бірақ ұрықтың жағдайы туралы дәрігер ештеңе айтпаған. Жүктілік кезінде әйел 5D-УЗИ жасағанда, оған баланың дамуы дұрыс жүріп жатпағаны хабарланған. Бірақ дәрігер Карвалью ата-анасына алаңдайтын себеп жоқ екенін, кейде УДЗ кезінде баланың беті толық көрінбейтінін айтқан, – деп жазады басылым. Автордың жазуынша, дәрігерлер бала бір аптадан артық өмір сүрмейтінін айтқан, бірақ бала ауруханада жатыр.
– Бұған дейін де Карвалью есімді дәрігерге арыз-шағымдар түскен. Олардың кейбірі он жыл бұрын жасалған. Бір жағдайда 2011 жылы бет пішіні өзгерген және миы зақымданған бала дүниеге келген. Қазір ол бала бес жаста және оған бірнеше операция жасалды, – деп хабарлайды ақпарат таратушылар.
