Дубайда қалыңдық бейнесінде торт жасалды
Тұла бойы бисквиттен тұратын қалыңдық.
Мұндай торт Дубайда үйлену тойына арналған көрмеде тұр. Сұлу қалыңдықтың бейнесіндегі десерттің бағасы да арзан емес. 1 миллион АҚШ доллары жұмсалған. «Тәтті» арудың пішінінде мін болмағанымен, салмағы 120 келі тартады. Мұндай тортты дайындау үшін бірнеше шебер 5 күн бойы тер төккен. Ең өкініштісі, осыншама қаржы мен қажырлы еңбек жұмсалған десерттің ешкім дәмін тата алмайды. Дизайнерлердің айтуынша, торттың құрамында жеуге болмайтын қоспалар бар. Сондықтан көрсетілім біткеннен кейін гигиеналық талапқа сай тортты қоқысқа тастауға тура келеді.
Дебби Уингхэм, дизайнер:
- Қалыңдыққа көз тартар көрік беру үшін бес бриллиантпен әрледік. Оның әрқайсысы 200 мың доллардан тұрады. Оның құрамында осындай қоспалар болғандықтан, құны қымбат, адам жеуге жарамсыз болып шықты.
