Сот төрағасы студенттермен кездесу өткізді
Қармақшы аудандық сотының ұйымдастыруымен «Отбасылық сот» пилоттық жобасының аясында «Мен отбасын құруға дайынмын ба?» тақырыбында Қармақшы аграрлы-техникалық колледжінің студенттерімен кездесу өткізілді.
Семинарға аудандық сотының төрағасы Д.Кентбаев, кәсіби емес медиатор Ж.Жәкеев және колледж мұғалімдері мен студенттері қатысты.
Семинарда төраға Д.Кентбаев студенттерге отбасылық құндылықтар туралы айтып, шараның басты мақсаты адамдардың бір-біріне сыйластық қарым-қатынасын жоғарылату, жастар арасына адамгершілік қадір-қасиеттерді арттыру, отбасындағы жайлы және жылы жағдай, достық қарым-қатынастарының маңыздылығын түсіндіріп өтті.
Сонымен қатар, студенттермен қонақтарға өзекті сұрақтар қойылып, жауаптар алынып, жоғарыда аталған тақырып бойынша пікір алмасу өтті.
Қайнар:
Қармақшы аудандық сотының баспасөз қызметі
