qarmaqshy-tany.kz Бүгін Жосалы кентінде құрылысы жүріп жатқан денешынықтыру-сауықтыру кешенінің жұмыстарына қоғамдық бақылау жұмыстары жүргізілді. Қоғамдық бақылау тобы құрамында аудандық мәслихат, қоғамдық кеңес, ардагерлер кеңесінің төрағаларымен қатар аудандық мәслихат депутаттары және құрылыс саласының ардагерлері болды.

Қоғамдық бақылау жұмыстары барысында құрылысты жүргізіп жатқан мердігер мекеменің жауапты қызметкерлері қазіргі таңда атқарылып жатқан жұмыстармен таныстырып, кешен құрылысының аяқталып қалғандығын көрсетті.

Мониторинг жұмыстарының қорытындысымен бақылаушы топ тарапынан мердігер мекеме өкілдері мен тапсырыс беруші орган басшыларына қажетті мәселелер туралы ұсыныс-пікірлерін айтып, құрылысты уақытылы әрі сапалы аяқтауды тапсырды.