«Nur Otan» партиясы Қармақшы аудандық филиалы штабының өкілі Ғалым Ержанов «Есіктен есікке» акциясы аясында Жосалы кенті тұрғындары арасында аға буын өкілдерімен кездесті. Онда спорт ардагері Әлжан Төремаханов пен Төленді Мырзабаевтың шаңырағында болды.

Кездесуде партияның сайлауалды бағдарламасының басым бағыттары бойынша үгіт-насихат жұмыстарын жүргізді. Соның ішінде спорт саласы бойынша алдағы 5 жылға арналған жоспарын таныстырды.

–«Nur Otan» партиясы алдағы жоспарында ұлт денсаулығын нығайтуға, халықты бұқаралық спортпен айналысуға бағыттап, ауданның спорттық инфрақұрылымын кеңейтуді мақсат етіп отыр. 2021-2025 жылдары аралығында қолда бар спорт ғимараттарын қайта жаңғырту және жаңадан салу арқылы спорт объектілерінің санын арттыруға ықпал етеді, – деді штаб мүшесі.

Спорт саласының ардагерлері партияның әрбір жетістігіне қуана қарайтынын және оны қашанда қолдайтындарын жеткізді. Алдағы сайлау науқанында жеңіске жетуіне сәттілік тілеп, оған дауыс беретінін айтты.