Пациенттер талдаулар мен жолдамаларды қағаз нұсқада шығаруға міндетті ме?
Сіз ота жасатуға дайындалып және барлық тексерулерден өтіп жүрсіз, ал емханада бұл қызметтерді алу үшін жақын арада жазылуға мүмкіндік жоқ,сол себепті сізді ақылы тексерулерге жіберді ме?Басқа клиникада олар қағаз нұсқадағы жолдаманыкөрсетуді талап етті ме?Егер сіз әскери қызметте немесе шетелде оқыған болсаңыз, МӘМС үшін қарызды төлеуіңіз керек пе? Осы және басқа да өзекті сұрақтарға Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов жауап берді.
1-СҰРАҚ:
Маған жеке клиникада аяққа ота жасау жоспарланып отыр. Ол жерде отаны МӘМС есебінен жасауға болатынын айтты. Өз емханамнанөтуімүшін барлық қажетті тексерулердің тізімін берді.Бұл мүмкін бе? Ал мен емхананыңөзімен жұмыс жасайтын кез-келген ауруханаға жіберетінін естідім. Мен жеке медициналық орталықтың кеңесіне құлақ асып, оларғаөз емханам арқылы МӘМС аясында келе аламын ба?
ЖАУАП:
Иә, солай жасай аласыз. Бұл МӘМС жүйесінің ыңғайлы тұсы болып табылады, яғни медициналық қызметтерді алу үшін сіз медициналық ұйымды еркін таңдай аласыз.
Емхана өз пациентін медициналық қызмет алу үшін бірлесіп орындау шартымен жұмыс жасайтын медициналық ұйымға, сондай-ақ, пациенттің өзі таңдаған ұйымға да жібере алады. Ең бастысы - бұл клиника Қор жеткізушілерінің базасында болуы қажет.
Сіздің жағдайыңызда медициналық ұйым сізге МӘМС бойынша жұмыс жасайтынын және сізді жолдама бойынша қабылдауға дайын екенін растап отыр. Сіз өз емханаңызда барлық қажетті тексерулерден өтуге құқығыңыз бар және емхана сізге қажетті медициналық орталықты көрсете отырып, сізді «Емдеуге жатқызу бюросы» порталында тіркейді.
2-СҰРАҚ:
Бірнеше күннен кейін мен өз емханамда күндізгі стационарға жатуым керек.Бірнеше талдаудыжасатып, флюорография және электрокардиограммадан өтуімқажет.Талдауларды жасаттым, «флюраны» өттім. Бірақ, ЭКГ-ге жазылайын десем, тек екі аптадан кейін бара алады екенмін. Осы тұста күндізгі стационарға үлгермейтінім ештеңе шешпеді. Олар ЭКГ-ныөз емханамда ақылы түрде өтуді ұсынды. Емхананың осылай жасағаны дұрыс па? Пациент не істеу керек?
ЖАУАП:
Медициналық ұйым белгілі бір медициналық қызметтерді көрсету үшін Қормен шарт жасаса отырып, өзіне оның талаптарын орындау бойынша міндеттемелерді алады. Қажетті дәрігерлердің, жабдықтардың және басқа факторлардың болмауы пациентке медициналық қызмет көрсетуді ұсынбаудың немесе кешіктірудің объективті себебі болып табылмайды.
Бұл жағдайда, егер емхана сізге күндізгі стационарға жатқызу үшін қажетті ЭКГ қызметін уақтылы ұсына алмаса, сізді бірлесіп орындау шарты бойынша басқа медициналық ұйымға жіберуге тиісті.
Пациент медициналық көмек қол жетімді болмаған жағдайда «Пациенттерді қолдау қызметіне» немесе тікелей осы медициналық ұйымның басшылығына жүгіне алады.
3-СҰРАҚ:
Мені қалалық ауруханаға емханадан МӘМС бойынша бейінді дәрігердің қарауына жіберді. Бұған дейін мен өзімнің учаскемде барлық қажетті талдауларды тапсырдым. Бірақ дәрігер кеңес беру кезінде алдымен барлық нәтижелерді қағазға басып шығарып, содан кейін ғана қабылдауға келуімді сұрады.Ол «бұл жұмысты мен үшін жасамауы керек» екендігін, барлығын қағаз түрінде көрсету қажеттігін айтты. Осы тұста дәрігер маған қорытынды беруден бас тарта ала ма? Егер менде медициналық ақпараттық жүйеге қолжетімділік болмаса (мен қарапайым телефонды қолданамын, онда арнайы мобильді қосымша жоқ) талдаулардың нәтижелерін қайдан аламын? Аурухана маңынан қағазға басып шығару қызметін қайдан іздеймін?
ЖАУАП:
МӘМС медициналық қызметін жеткізушілерге қойылатын талаптардың бірі - медициналық ақпараттық жүйелердің болуы. Бұл пациенттер алған барлық медициналық қызметтер электрондық форматта жазылатын ақпараттық жүйелер. Аталмыш медициналық жазбалар дәрігерлер мен пациенттерге қол жетімді.
Сіздің жағдайда МӘМС аясында медициналық қызмет көрсеткен дәрігер ақпараттық жүйеде өзіне қажетті барлық мәліметтерді көре алады және оларды қағазға басып шығарудың қажеті жоқ.
Мұндай даулы жағдайларда медициналық ұйымның «Пациенттерді қолдау қызметіне» жүгіну керек.
Айта кетейік, пациент өзі пайдалану үшін немесе басқа клиникаларға ұсыну үшін қажет болса (мысалы, өздігінен жүгінген кезде), өз емханасында барлық сараптамаларды басып шығаруды сұрауға құқылы.
4-СҰРАҚ:
Біздің емханадағы аппарат бұзылып қалғандықтан, рентгенге басқа емханаға жіберді. Оларға телефон арқылы қабылдауға жазылсаңыз, қағаз түріндегі жолдамасыз қабылдамайтындарын бірден ескертеді. Ал емхана оның электронды базада көрінетіндігіне сілтеме жасай отырып, жолдаманы қағазға шығарып берген жоқ. Егер олар қабылдаудан бас тартса, не істеймін?
ЖАУАП:
Бұл алдындағы жағдайға ұқсас. Пациентті бірлесіп орындау шарты бойынша басқа клиникаға жібереді. Олар жолдаманы онлайн көре алады, бірақ ақпараттық жүйелердің интеграциясы күнбе күн болмай қалуы мүмкін. Сол себепті, мұндай жағдайларда емхана пациентті жедел қабылдау үшін жолдаманы қағаз түрінде көрсетуді сұрайды.
5-СҰРАҚ:
Менің ұлым 2021 жылдың соңы мен 2022 жылдың соңы аралығында әскери қызметте болды. Жақында емханаға барсақ, ол жерде медициналық көмек көрсетуден бас тартты және әскерде қызмет еткен уақытындағы МӘМС үшін қарыздарын төлеуді талап етті. Бірақ, мен оның ол кезде жеңілдік санатына кіргенін және мемлекет жарна төлеуі керек дедім. Осы жағдайда не істеу керек?
ЖАУАП:
Сіз дұрыс айтасыз, ҚР Қарулы күштерінде мерзімді әскери қызмет өткеру кезеңі МӘМС жүйесінде жеңілдікті санат болып табылады. Әскери борышын өтеуші жарналар мен аударымдар жасамауы керек. Сарбаздар туралы деректерді қорғаныс органдары жібереді. Егер қандай да бір себептермен мәліметтер уақтылы жіберілмей қалса, берешек пайда болады.
Бұл жағдайда сіздің ұлыңыз Әлеуметтік медициналық сақтандыру қоры басшылығының атына берешекті жою туралы өтініш жазып, әскери билеттің сканерленген нұсқасын тіркеп, қызмет өткеру мерзімін растау арқылы, оны мына электрондық мекен-жайға жіберуі керек: kanc@fms.kz.
Егер сіз берешекті төлеген болсаңыз, онда egov.kz мемлекеттік қызметі арқылы қате төленген жарналарды қайтаруға өтініш бере аласыз.
6-СҰРАҚ:
Мен ресми түрде жеке компанияда жұмыс жасаймын. Мен үшін МӘМС-ға аударымдар мен жарналар жасалынады. Бірақ, мен жақында сақтандырылмағанымды білдім. Telegram-дағы Saqtandyry-bot арқылы ЖСН бойынша тексеру кезінде мен шетелде оқыған кезеңнің бір бөлігі үшін қалыптасқан берешекті көрдім.Неліктен қалған оқу жылдары қарыз ретінде шықпайды? Мен не істеуім керек, осы көрсетілген айлар үшін төлем жасауым керек пе?
ЖАУАП:
Егер сіз шетелде күндізгі оқу бөлімінде оқысаңыз, онда осы кезеңде сіз халықтың жеңілдік санатында болдыңыз және сіз үшін МӘМС-ға мемлекет жарна төледі. Шетелде оқитын студенттің деректері ақпарттық жүйеде көрсетілуі үшін ҚР Ғылым және жоғары білім министрлігі egov.kz электрондық үкімет порталының «Шетелде оқитын студенттерді тіркеу» бөлімінде растайтын құжатты (оқу орнынан анықтама) қоса беру арқылы өтініш беру қажет болды. Әр семестрде жаңарту жүргізіледі. Шамасы, сол кезеңдердің бірінде сіз оқуды жалғастырғаныңызды растамағансыз және мемлекет сіз үшін жарналарды төлемеген.
Қазір оқу кезеңіндегі берешекті өтеудің қажеті жоқ. Әлеуметтік медициналық сақтандыру қоры басшылығының атына kanc@fms.kz пошта арқылы оқу кезеңіндегі берешекті жоюды сұрап, мемлекеттік немесе орыс тіліне аудармасы бар білім туралы құжатты қоса бере отырып, өз қолыңызбен жазылған өтінішті жолдау қажет.
Тексеруден кейін берешек жойылады. Егер қалған кезеңдерде жарналар мен аударымдар төленген болса, сіздің мәртебеңіз «САҚТАНДЫРЫЛҒАН» болып өзгереді.
Естеріңізге саламыз; егер сізде өзге де сұрақтар туындаса, сіз оларды Пациенттерге қолдау көрсету қызметіне хабарласу арқылы өз емханаңызда қоя аласыз.
Әлеуметтік медициналық сақтандыру қорына өтініш беру және сақтандыру мәртебесін тексеру арналары:
fms.kz ресми сайты,
1406байланыс орталығы,
Qoldau 24/7 мобильді қосымшасы,
Telegram-дағы SaqtandyryBot.
Сондай-ақ, медициналық сақтандыру жүйесіндегі өз мәртебеңізді тексеріп, жүргізілген төлемдер туралы ҚР egov.kz электрондық үкіметінің сайтының«Денсаулық сақтау» бөлімінде «Медициналық қызметтер туралы және МӘМС-те аударылған сомалар туралы ақпарат» мемлекеттік қызметі арқылы білуге болады.
