«Nur Otan» партиясында "Рухани жаңғыру" бағдарламасы шеңберінде ардагерлермен кездесу өтті

Бүгін, «Nur Otan» партиясында ауданның құрметті азаматтары, ардагерлер кеңесі мүшелерінің қатысуымен «Рухани жаңғыру» бағдарламасы аясында дөңгелек үстел өтті. Оны аудандық партия төрағасының бірінші орынбасары Дастан Боханов жүргізіп, жаңғыру жолында бабалардан мирас болып, қанымызға сіңген ізгі қасиеттерді қайта түлету, сонымен қатар қоғамдағы болып жатқан түрлі мәселелер жөнінде сөз қозғады.

Елбасы рухани жаңғыру мақаласында ұлттық сана-сезім көкжиегін кеңейтуде екі нәрсенің басын нақты ашып бергені белгілі. Оның бірі ұлттық код, ұлттық мәдениет сақталмаса, ешқандай жаңғырудың болмайтындығы. Екіншісі, алға басу үшін ұлттың дамуына кедергі болатын өткеннің кертартпа тұстарынан бас тарту. Мұндағы басты идея болашақ пен өткенді үйлесімді сабақтастыру.

Кездесуде ардагерлер ата-бабамыз қалыптастырып кеткен салт-дәстүр мен мәдениетті қозғай отырып, бүгінгінің салттан шығу секілді болашақ ұрпақтың санасын улап жүрген басты проблемаларды тілге тиек етті.

Ерсін СӘДУҰЛЫ