Ауданда фотобайқау өтеді

Бүгіннен бастап «Қармақшы таңы» газеті «Төл басылым – төрімізде!» атта фотобайқау жариялайды. Қатысу шарттары өте жеңіл, қолыңызда смартфоныңыз бен біздің газет болса болғаны. Өзіндік идеяңызбен газетпен бірге суретке түсіңіз де төменде көрсетілген нөмірге жіберіңіз. Сурет Qarmaqshy tańy ресми парақшамызда жарияланады. Ең көп лүпіл жинаған суреттер газет бетінде жарық көреді. Әрі тұрақты оқырмандарымызбен жақынырақ байланыс орнатамыз. Сонымен қатар, жақсы нәтиже берген сурет авторларына арнайы марапаттар мен сый-сыяпаттар табысталады.

Еске сала кеткен жөн болар, сурет сапалы болуы тиіс және барлық аудан тұрғындары қатыса алады. Суреттер 31 мамырға дейін қабылданады. Нәтижесі 2 маусымда лүпіл санымен анықталады.