Татулығы жарасқан отбасы

Жуырда ғана республикалық телеарна тілшілері ІІІ Интернационал ауылына келді. Олар татулығы жарасқан, көпке үлгі  Сон Алексей мен Снежанна Наурызбаеваның отбасында болды.
Ашық жарқын, қарапайым отбасы татулығымен, сыпайылығымен, еңбекқорлығымен көпке танымал. Олардың есімін біз ауылдастары әрқашан да мақтанышпен айтып жүреміз. Алексей мен Снежанна екеуі де шаруашылықта қызмет атқарады. Отбасында екі бала тәрбиелеп отыр. Алексейдің ата-анасы Сон Елисей мен Сон Людмила көпке үлгі, ауылға еңбегі сіңген жандар. Қазіргі таңда екеуі де зейнеткер. Келген мейманды ақ дастарқанын жайып, қазанын асып күткен қонақжай отбасына ауылдастар разы болды. Өз кезегінде татулығы жарасқан отбасы қазақ ағайындарға бар жақсылығы мен жасаған қамқорлықтары үшін алғаусыз алғысын білдірді.

Рима ТҰРМАНОВА