ЖЫР ЖҮЙРІГІ - ТАСБЕРГЕН ЖЫРАУ
Қармақшы аудандық Көшеней Рүстембеков атындағы Жыраулар үйіне қарасты "Жиенбай жырау" үйірме сыныбында "Адал адам" тұжырымдамасының "Арт уақыт" бағыты аясында, Құламанұлы Тасберген жыраудың 155 жылдығына орай "Жыр жүйрігі - Тасберген жырау" атты ашық сабақ болып өтті.
Тағылымды ашық сабаққа ардагер ұстаз З.Кәрібаева, К.Рүстембеков атындағы Жыраулар үйінің директоры А.Ешбаева, үйірме жетекшілері мен ауылдық кітапханашы Қ.Далдабаевалар қатысты. Осы үйірменің түлектері, қазіргі таңда ЖОО-ның білімгерлері Оңғарқызы Арай мен Шұғыла Мархабатовалар да қатысты. Сабақ барысында Тасберген жыраудың өмірі мен шығармалары жөнінде мағлұматтар айтылып, үнтаспадан Рүстембек жыраудың орындаған маңырама мақамы және Қ.Кәрібаевтың Тасберген жыраудың маңырама мақамымен орындағаны тыңдатылды. Сабақ соңында кәсіпорын басшысы А.Ешбаева қатысушыларға, үйірме шәкірттеріне алғысып жеткізіп, қорытындылады.
