Биыл ақпан айынан бастап аймағымызда "Адал адам" мәдени-тәрбие тұжырымдамасы негізінде жүйелі жұмыстар атқарылып келеді. Жоба төңірегінде Жыраулар үйінде де біршама ауқымды шаралар атқарылуда.

Бүгін К.Рүстембеков атындағы Жыраулар үйінде "Креативті HUB" бағытында "Аңсаған" қоғамдық қорының тәрбиеленушілерінің жасаған қолөнер бұйымдары мен аудан аумағындағы тарихи-мәдени ескерткіштердің фото суреттерінен көрме ұйымдастырылды.

"Сұхбат TIME" бағыты бойынша ел ағалары, шежіреші-тарихшы, мәдениет, өнер жанашырлары және зиялы қауым өкілдерімен тарихи-танымдық сұхбат ұйымдастырылып, жастармен келелі сұхбаттасу арқылы ұлттық құндылықты ұғындыру, жақсылыққа жұмылдыру болып табылады. Тарихи-танымдық бас қосуда өлке тарихынан сыр шертетін жер-су атаулары, аңыз-әфсаналары, тарихи тұлғалардың сіңірген еңбектері, өмірі мен шығармашылығынан мағлұматтар келтірілді.