Бас жүлде әжелерімізде

qarmaqshy-tany.kz Әжелер өнері, әжелер мектебі, олардың өнегесі – бүгінгі қоғамда баға жетпес байлық, бойға тереңнен сіңіретін табылмас тәрбие құралы. Оларға қандай жылы сөз айтсақ та, қандай сый-сияпат көрсетсек те артық етпейді. Ақ жаулықты әжелердің халық алдында айдай болып жарқырап жүргені бүгінгі күннің басты келбетін айқындайды.

Туған жеріміздің атын әркез өнермен, өнегемен асқақтатып жүрген, ұзақ жылдар білім саласында еңбек етсе де өнерімен көпке танымал "Әжелер" ансамблі тағы да елдің мерейін үстем етті.

Қызылорда қаласында өткен "Ұлағатты әже" атты әжелер ансамбльдері арасында өткен облыстық өнер фестиваліне ауданның атынан қатысып, үздік өнер көрсеткен "Ақ әжелер" ансамблі бас жүлдені иемденді.