«Ел іші - өнер кеніші»

qarmaqshy-tany.kz Тұрмағамбет ауылында ауылдық клуб үйінің ұйымдастыруымен ауылдық округ әкіміне қарасты мекемелер арасында «Ел іші-өнер кеніші» атты өнерлілер сайысының бірінші кезеңі болып өтті. Бұл кезеңде әкім аппараты ұжымынан құрылған «Бірлік», клуб үйі ұжымынан құрылған «Өнер тарландары» командасы бақ сынасты. Сайысты ауыл әкімі М.Алдамұратов ашып, өткізіліп жатқан сайыстың мақсатына тоқталып, қатысушы ұжымдарға сәттілік тіледі. Сайыстың қорытындысында 167-165 ұпай жинап ауыл әкімі аппаратының «Бірлік» командасы алға шықты. Ауыл тұрғындарын рухани демалдырып, көтеріңкі көңіл-күй сыйлаған жақсы шара болды.