«STARTUP BOLASHAK: МЕНІҢ АРМАНЫМ» БИЗНЕС-ЖОБАЛАР БАЙҚАУЫ
Бұл жобаның басты мақсаты – 16 мен 35 жас аралығындағы жастардың бизнес жобалары мен бастамаларын іріктеу арқылы, үздік деп танылған идеяларға қолдау көрсету және қаржыландыру болып табылады.
Аталған шараға өңір жастарының қызығушылығы өте жоғары. Мұның бір ғана дәлелі, жастар бизнес-жобалары ұлттық байқауына аймағымыздан барлығы 200-ге жуық жастар өз жобаларын ұсынған.
Ашылу салтанатында, ұлттық байқаудың тәлімгері болатын кәсіпкерлік саласының білікті менторлары қала әкімі Н. Нәлібаевтың «Алғыс хатымен» марапатталды.
Жалпы бұл бағыттағы жобаларды қалалық кәсіпкерлік, өнеркәсіп және туризм бөлімі мен Қорқыт Ата атындағы ҚМУ-і бірлесіп былтырғы жылдан бастап сәтті жүзеге асырып, түрлі форматтағы шараларда 160 жасты кәсіпкерлік негіздері мен жаңа дағдыларына бейімдеген.