Т.Көмекбаев атындағы №250 мектеп-лицейде дәстүрлі "Өзін-өзі тану" пәні - шығармашылық пен махаббат педагогикасы" онкүндігі аясында "Бәрі де сүйіспеншіліктен басталады" тақырыбында мұғалімдер арасында байқау болып өтті. Байқаудың мақсаты - ұстаздардың шығармашылық қабілетін шыңдау, креативті идеяларды дамыту, сұлулыққа, ізденімпаздыққа тәрбиелеу. Тәрбиелік мәні зор шығармашылық шараны өзін-өзі тану пәнінің мұғалімі Г.Сарсенбаева жүргізіп отырды. Шығармашылық байқауға мектеп-лицей директоры Г.Мұнарбаева, тәрбие ісі жөніндегі орынбасарлары Г.Аяпова, А.Алтруова және кәсіподақ комитетінің төрайымы М.Адилова қазылық етті. Байқау соңында соңында мұғалімдерді мектеп директоры Г.Ж.Мұнарбаева марапаттады. Шара өте жоғарғы деңгейде өтті.