Жыраулар үйінде Президент мақаласы талқыланды
К.Рүстембеков атындағы жыраулар үйінің ұйымдастыруымен мекеме қызметкерлерінің қатысуымен Қазақстан Республикасының Президенті Қасым-Жомарт Тоқаевтың "Тәуелсіздік бәрінен қымбат" атты мақаласын талқыланды.
Биыл қастерлі Тәуелсіздігімізге 30 жыл. Бұл – қайта жаңғырған қазақ мемлекеттігінің тұғыры нығая түскенін әйгілейтін маңызды белес. Тарих тұрғысынан алғанда, отыз жыл – көзді ашып жұмғандай қас-қағым сәт. Осы жылдар ішінде еліміз талай белестерді бағындырып, алдына жаңа мақсаттар қойды. Мемлекет басшысының «Тәуелсіздік бәрінен қымбат» мақаласында тәуелсіздік жылдарындағы жетістіктеріміз бен құндылықтарымыз жайлы айтылған. Өз сөзінде Қасым-Жомарт Тоқаев: "Біз әділетті қоғам мен тиімді мемлекет құруды көздеп отырмыз. Кез-келген істе әділдік қағидатын басшылыққа алсақ, бұған анық қол жеткіземіз" - деген еді. Шынымен де, тұрғындардың тұрмысы жақсы болса, еліміздің жетістіктері мен халықаралық табыстары да мол болмақ. Сондай-ақ, халықтың әлеуметтік жағдайын жақсартумен қатар, барлық азаматтардың мүддесін бірдей қорғай алатындығын жеткізді.
