Түркиядан келген қонақтар

Қонақжайлық-қазақ халқының ұлттық салт-дәстүрінің бірі.
Сонымен қатар адамдар арасындағы сыйластықты,бір-біріне деген құрметті,қамқорлықты білдіретін,кісінің адамгершілігін,имандылығын айқындайтын қасиет. Адамдарды тіліне, дініне, ұлтына бөліп-жармай,достық ықылас көрсетіп,ас-дәм беру қонақжайлықтың негізгі белгісі. Қазақ халқының қонақжайлық қасиеті мен дәстүрі шетелдік саяхатшылар мен ғалымдарды әр уақытта таң қалдырған.Кеше 1-ші желтоқсан күні Достығы жарасқан көп ұлтты ауылымызға Түркиядан кәсіпкер әрі оқытушы Мұрат Гультикин,Асан Али есімді түрік азаматтары,олармен бірге Қызылорда туризм ассоциациясының төрайымы Сауле Булегенова,ұлттық нақыш орталығының жетекшісі Аида Керимқұловалар ауылда қонақта болды.Оларды ауылдық округі әкімі А.Омаров,"Достық Жер МК"ЖШС-і директоры М.Сәрсенбаев күтіп алды.
Ауылдағы Цай Ден Хак атындағы мұражаймен танысқан қонақтар,мәдениет үйіне жиналған ауыл тұрғындарымен кездесті.
Риза болған қонақтар әр ұлттың ұлттық көрмесі- тағамынан ауыз тиіп,арнайы ұйымдастырылған мәдени шараны тамашалады.
Сонан соң "қонақ үйінде"жайылған үлкен астан дәм татып,әдемі әңгімеге ұласты.