ЕЛ ҮЛЕСІ - ПӘТЕРГЕ
Өздеріңізге мәлім, өткен 2018 жылы мешіттің бастамасымен, халықтың қолдауымен аудан орталығы - Жосалы кенті, Томанов көшесі 48-үйдің тұрғыны, 8 балалы жалғызбасты анаға үй салынып берілген болатын.
Биылғы жылы да сол бір игі бастаманы "ЕЛ ҮЛЕСІ - ПӘТЕРГЕ" жобасы аясында жалғастырмақ ниеттеміз. Бұл жобаның айырмашылығы, әр ауданда жаны жомарт азаматтардың қосқан үлесі сол жергілікті жердің мұқтаж адамдарының баспаналы болуына жұмсалатын болады. 1-маусымда "Ораз ахун" мешітінің алдында өткізілген "Рамазан - мейірімділік айы" қайырымдылық шарасында осы "ЕЛ ҮЛЕСІ - ПӘТЕРГЕ" жобасының тұсауы кесіліп, оған аудан әкімі Сұлтан Ысқақұлы өз отбасының атынан 100,000 (жүз мың) теңге қаражат салып, қолдау көрсеткен болатын. Сізді де Алла жазса алдағы Құрбан айт мерекесі қарсаңында 5 балалы жалғызбасты анаға баспаналы болу бақытына үлес қосуға шақырамыз.
