Байқау
Құрметті жас дос! Кітап оқу – адамды рухани өсіретін басты құрал. Тамақ – бойды өсірсе, кітап – ойды өсіреді. Әлем халықтарымен тең тұру үшін бой салыстыру керек емес, ой салыстыру керек. Ойы озық, адами құндылығы мықты, елін сүйетін елжанды, ақылы асқан азамат қана елдің тірегі бола алады. Ал бұл қасиеттер адам жүрегіне кітап оқу арқылы орнығады, бекиді. Өкінішке қарай, қазір кітап оқымайтындар қатары өте көп. Ол дегеніміз – бәсекелестік қоғамында кенже қалу дегенді білдіреді. Сол үшін өзін құрметтейтін әрбір жан кітап оқып, ой-өрісінің кеңейе түсуіне жол ашуы тиіс. Осы мақсатта «Сыр медиа» ЖШС-на қарасты аудандық «Қармақшы таңы» газеті редакциясы, аудандық орталықтандырылған кітапханалар жүйесінің ұйытқы болуымен және Қазақстан Журналистер одағының мүшесі, Қазақстан еспубликасы «Білім беру ісінің үздігі», ардагер-ұстаз, ақын астан Мырзабекұлы атындағы (қаржылай демеушілігімен) оқушылар арасында аудандық бірінші «Үздік оқырман» байқауын жариялайды.
БАЙҚАУ ЕЕЖЕСІ
Байқаудың мақсат-міндеті:
Жасөспірімдер мен жастардың кітап оқуға, кітапқа деген қызығушылығын, сүйіспеншілігін арттыру;
Рухани жандүниесін байытып, туған жерді, елін, Отанды сүюге баулу;
Шығармашылық жұмыстармен айналысуға жол көрсетіп, бағытбағдар беру, қолдау көрсету;
Ана тіліне құрметі мен есте сақтау қабілетін арттырып, тіл байлығының мол қорын және азаматтық тұлға қалыптастыру.
Қатысушыларға қойылатын талаптар:
Байқауға 891011сынып оқушылары қатыса алады;
Үміткерлер тарихи, көркем әдеби мазмұндағы (поэзия, проза жанрында) кітаптар оқуы керек.
Байқаудың шартына сәйкес, бір жыл көлемінде Жосалы кенті орталығындағы Абай атындағы кітапханадан ең көп кітап алып, оқыған 3 оқушы жеңімпаз танылады.
«Үздік оқырман» байқауы 2025 жылдың желтоқсан айында қорытындыланып, мәресіне жетеді.
Тағайындалатын сыйлық бойынша:
Ең көп кітап оқыған 3 оқушыға демеуші тарапынан қаржылай сыйақы тағайындалады.
Атап айтқанда, бірінші орын – 70 мың теңге, екінші орын – 50 мың теңге, үшінші орын – 30 мың теңге көлемінде қаржылай сыйақы беріліп, Дипломмен марапатталады.
ӨТКІЗУ ТӘТІБІ
Байқау қорытындысы 2025 жылдың желтоқсан айында анықталып, газеттің кезекті нөмірінде жарияланады.
«Сыр медиа» ЖШС-на қарасты аудандық
«Қармақшы таңы» газеті редакциясы
