ӘРІПТЕСТЕР МАРАПАТ БИІГІНДЕ
Бүгін бұқаралық ақпарат құралдары қызметкерлерінің төл мерекесі. Қолына қалам ұстаған, жаны жаңалыққа құмар тынымсыз мамандық иелерінің кәсіби мерекесі аясында облыстық «Қанатты қалам-2019» форумы аясында әріптесіміз, жауапты хатшы Гүлжанат Дүзенова облыс әкімі Қырымбек Көшербаевтың «Алғыс хатымен» марапатталды.
Мереке қарсаңында аудан әкімдігінің мәжіліс залында сала қызметкерлерінің қатысуымен жиын өтті. Жиында сөз алған аудан әкімі Сұлтан Ысқақұлы жаңалықтың жаршысы болып жүрген журналистерді кәсіби меркесімен құттықтап, жылы лебізін білдірді. Сонымен қатар аудан өмірін, тыныс-тіршілігін, жағымды жаңалығын облыс көлеміне ақпараттандырып отырған телеарна, басылым қызметкерлеріне алғыс хат табыстады. Аудан әкімінің алғыс хатына ие болғандар қатарында әріптесіміз тілші Айнұр Әли, дизайнер Ләйлә Абдуллаева, газет тасымалдаушы Арыстанбек Қанағатовтар да бар.
Ақпарат айдынында маңызды жаңалық жеткізуді мұрат тұтқан мамандық иелерінің жұмысына табыс, шығармашылық шабыт тілейміз! Қаламдарыңыз мұқалмасын!
Ақнұр САҒЫНТАЙ
"Қармақшы таңы"
