ЖАС БИШІЛЕР БЕЛЕСІ

Өнердің сан түрі бар. Бірақ бәрі де адамзат мәдениеті мен әдебіне қызмет етеді. Оның ішінде ұлттық би өнерінің өресі де, орыны да бір бөлек.

Ақтөбе қаласында ІІ халықаралық «Би толқынында – 2019» атты хореографиялық байқау өтті. Оған өңірден жас бишілер қатысып, бақ сынады. Айтулы би додасына қатысқан аудандық оқушылар үйінің «Хореография» үйірмесінің оқушыларынан құралған «Жадыра би» тобы үздік өнер көрсетіп, ІІІ дәрежелі дипломмен марапатталды. Сондай-ақ, қыздарды биге  баулып, жас дарындарды бәйгеге қосқан үйірме жетекшісі Жадыра Алпысбаева да шығармашылық жұмысы үшін алғыс хатқа ие болды.

Ұлтымыздың дәстүрін дамытып, би өнеріне өзіндік қолтаңба қалдырып келе жатқан өнер ұжымының қадамына әркез сәттілік серік болғай.