«Мемлекеттік қызмет – өңірлік ұстаным»
2019 жылдың 6 маусымы күні облыстық жастар саясаты мәселелері басқармасының «Жастар ресурстық орталығы» коммуналдық мемлекеттік мекемесі және Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің ұйымдастыруымен «Мемлекеттік қызмет – өңірлік ұстаным» тақырыбында мемлекеттік және жергілікті басқару және заңгер мамандықтары бойынша білім алушы жастар және орталық қызметкерлерінің қатысуымен еркін форматта кездесу өткізілді. Кездесуді Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің мемлекеттік қызмет басқармасының басшысы Еркебұлан Әділбайұлы Сарымбетов жүргізді. Жалпы кездесудің мақсаты: мемлекеттік қызметтің ұғымы, және оның принциптері мен қағидаларын жалпылама жастарға түсіндіру болып табылады. Шараға 50-ге жуық жастар қатысып, өздеріне қажетті ақпараттар алды.
