Форумда әлемнің әр түкпірінен келген журналистер өздерінің тәжірибелерімен бөлісті.

- Технология жылдам даму үстінде. Бұрындары күрделі және ұзақ уақыт алатын процестер қазір жеңілдеді. Әрі олардың бағасы да қымбат емес. Кез келген платформада бұл кері байланысты арттырады. Арнайы көзілдірікпен көретін бұл 360 градуста түсірілген видеолардың әсерлілігі мол. Бұл тартымдылықты бағалаудың тиімді әдістерінің бірі, - деді Захра Расул.

Ал шеберлік дәрісінің ең қызықты бөлігі "Фрилансер болу не болмау" деп аталды.

- Фрилансер журналист бола отырып, қалай ақша табуға болады? Идеяларыңызды қалай сатуға болады? Ең алдымен сіздің қай жерде жұмыс істегеніңіз емес, сіздің аты-жөніңіздің танымал болуы маңызды. Белгілі тақырыптық бағытыңыз болса, сізге өніміңізді сату оңайға түседі. Әрқашан өз деңгейіңізді жоғарылату маңызды, - дейді шеберлік дәрісін жүргізген ұлыбританиялық тәуелсіз журналист Дженни Климан.