Мерекеге үн қосты
Аудандық жастар ресурстық орталығының үйлестіруімен құрылған аудандық жастар мәслихатының емханада сайланған депутаттары Ақтолқын Алтынбайқызы мен Назерке Жұмағалиқызы 15-мамыр – Халықаралық отбасы күніне орай Қармақшы аудандық ауруханасының балалар бөлімінде мерекелік іс-шара өткізді. Шарада дəрігер Ұрхия Ідірісқызы сөз сөйлеп, Zhas Project әлеуметтік жобасының жеңімпазы, әрі жас депутат Жаңабай Сақтағанұлы мен Нұрлыбек Малаев шараға өз үлесін қосып, балаларға қуаныш сыйлады. Сайқымазақ кейпіндегі жастар бүлдіршіндермен ойын ойнап, оларға көтеріңкі көңіл-күй сыйлады. Шараға қатысқан ата-аналар да дән риза.
Айнұр ӘЛИ.
