ҰЛТТЫҚ ОЙЫНДАР САЙЫСЫ
Ұлы Отан соғысының ардагері Сауда Бекеновті еске алу мақсатында №113 «Қаракөл» орта мектебінде қазақтың ұлттық ойындары және тоғызқұмалақтан жарыс ұйымдастырылды.
Жарысқа қатысқан 25 оқушы арасынан қазақтың ұлттық ойындары бойынша І орынды 6-сынып оқушысы Дінмұхаммед Жақаш, ІІ орынды 7-сынып оқушысы Нұрдәлі Рысбекұлы, ІІІ орынды 8-сынып оқушысы Нұрсұлтан Жақаш иеленді.
Тоғызқұмалақ ойынында оза шауып, І орынға 8-сынып оқушысы Баубек Темірбекұлы, ІІ орынға 4-сынып оқушысы Асылзат Тайжанова, ІІІ орынға Дамир Темірбекұлы лайық деп танылды.
Жарыс соңында Сауда атамыздың ұрпағы Аман Бекенов сөз сөйлеп, жүлделі орын иеленген оқушыларға арнайы сыйлық пен медаль, мақтау қағаздарын табыстады.
Г.ӘМІРҚЫЗЫ,
«Қармақшы таңы».
