Қармақшы ауданы әкімінің мәжіліс залында ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысының орынбасары Б.Ұ.Байхожаевтың және Қызылорда облысы бойынша ішкі мемлекеттік аудит департаментінің қызметкерлерінің қатысуымен кездесу өтті.

Кездесуде сөз алған ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысының орынбасары Байхожаев Берікбол Ұзақұлы Сыр өңірінде «Ақмешіт – адалдық алаңы» жобалық кеңсесі құрылғандығын, арнайы дайындалған слайд арқылы жүргізілген жұмыстар туралы айтып өтті.

Жобалық кеңсенің негізгі міндеті – аймақта тұрмыстық жемқорлықты жою, мемлекеттік қызмет көрсету барысында халыққа қолайлы жағдай жасау бағытында тиісті шаралар қабылдау болып табылады.

Тиісінше, жобалық кеңсенің құрамына мемлекеттік қыз¬метшілермен қатар, қоғамдық ұйымдар өкілдері де енгізілгендігі туралы тоқталды.

Сонымен бірге кездесуде Қызылорда облысы бойынша Ішкі мемлекеттік аудит департаменті басшысының орынбасары – Тұрымтаев Қайрат Қазиханұлы, Қызылорда облысы бойынша Ішкі мемлекеттік аудит департаментінің мемлекеттік сатып алу бөлімінің бас маманы – Қамзаев Қайрат Шәдібекұлы қатысып, сала қызметкерлі тарапынан қойылған сұрақтарға жауап берді.