ҚЫЗЫЛОРДАЛЫҚ ОҚУШЫЛАР ДУБАЙДАН БАС ЖҮЛДЕМЕН ОРАЛДЫ

Жерлестеріміз 11-14 наурыз аралығында Біріккен Араб Әмірлігінің Дубай қаласында өткен Халықаралық ғылыми-тәжірибелік конференцияда бас жүлдені иеленді.

Биология бағыты бойынша Айдарбек Дана Тұрсынқызы, Байғабылова Аймере Қайратқызы, Кобдиков Афрасняб Азаматұлы және Ақмұрат Шахризада Жамилқызы өз жобаларын таныстырды. Нәтижесінде Айдарбек Дана Тұрсынқызы мен Байғабылова Аймере Қайратқызына бас жүлде бұйырды.

Бұған дейін олар «Бейбітшілік әлемі» Халықаралық Қазақ Творчестволық Бірлестігінің ұйымдастыруымен өткен конференцияның республикалық кезеңіне қатысып, халықаралық конференцияға жолдама алған болатын. Міне, оқушылар мен ұстаздардың ізденістері өз нәтижесін көрсетті. Алдағы уақытта оқушыларға үлкен биік белестерді бағындыруын тілейміз!