ЖИЫРМА ЖЫЛДЫҚ БЕЛЕС
Жақында «Нұр Отан» партиясының құрылғанына 20 жыл толуына орай партияның «Шығармашыл зиялы қауыммен жұмыс» жобасы аясында Шәмшат Төлепова атындағы аудандық мәдениет үйінде «Нұр Отан» партиясы аудандық филиалы мен аудандық мәдениет және тілдерді дамыту бөлімінің бірлесе ұйымдастыруымен «Сыр елім менің – жыр елім» тақырыбында аудандық жас жыршы-термешілер фестивалі өтті.
Шара барысында сахна төрінде өнер көрсеткен аудандық Көшеней Рүстембекұлы атындағы жыраулар үйі мен Тұрымбет Салқынбайұлы атындағы аудандық әуез мектебінің шәкірттері, яғни бүгінде жас та болса өнерімен аудан, облыс, республика көлемінде танылып жүрген жас жыршы-термешілер қазақтың қара домбырасымен Сыр сүлейлерінің шығармаларынан тарту жасап, көрермендерге көтеріңкі көңіл-күй сыйлады.
Шара соңында «Нұр Отан» партиясы аудандық филиалы төрағасының бірінші орынбасары Дастан Буханов пен аудандық мәслихат депутаты, партия ардагері Күлжауһар Раева құттықтау сөз сөйлеп, жас өнерпаздарға сый-құрмет көрсетті.
Нұрбай ЖАНӘДІЛОВ,
«Қармақшы таңы».
