Бүгін «Нұр әлем» көрме кешенінде Жастар жылының ашылу рәсімі өтті.

Салтанатты шараға «Болашақ» бағдарламасының түлектері, «100 жаңа есім» байқауының жеңімпаздары және түрлі саланың тізгінін ұстап жүрген жастар қатысты. Мемлекет басшысының алдында сөз сөйлеген олар әртүрлі бастама көтерді. Мәселен, маркетинг министрлігін және әдебиет академиясын құрып, Астанада алма бағын ашу ұсынылды. Ал Нұрсұлтан Назарбаев өз кезегінде қазіргі қоғам өміріндегі жастардың орнына тоқталып, бұл жылдың маңыздылығын атап өтті. Сондай-ақ Елбасы қандай да бір жетістікке жету үшін жастарды тынбай еңбек етуге шақырды.

Нұрсұлтан Назарбаев, Қазақстан Республикасының Президенті:

- Бүгінгі әлемге әйгілі ірі компаниялардың негізін жас кәсіпкерлердің қалағанын барлығыңыз білесіздер. Мысалы, Facebook-ті Марк Цукерберг 19 жасында ойлап шығарды. Microsoft-ті Билл Гейтс 20 жасында, Apple компаниясын Стив Джобс 21 жасында, ал бізде 13 жасында 2-курста оқып жатыр ҚБТУ-да. Олардың барлығы аспаннан салбырап түскен жоқ. Талант деген де бар, оны жасыруға болмайды. Бірақ Эйнштейн айтқандай: «таланттың 90 проценті – еңбек».