МЕДИЦИНАҒА ҚОСАР ҮЛЕСІМІЗ КӨП

Мемлекет тарапынан халықтың денсаулығын жақсарту үшін көп жағдай жасалып жатыр. Мәселен, денсаулық саласын қаржыландыру көлемі ұлғайды.Заман талабына сай жабдықталған мекеме салынды. Медицинадағы құжаттың 200-ден астам түрі электрондық форматқа көшті. Тұрғындар тегін дəрі-дəрмекпен қамтамасыз етілуде жəне дəрігерге электронды түрде тіркеліп, кезексіз дəрігерге қабылдануда. Бұл біздің медицина саласындағы үлкен жетістіктеріміз. Мемлекет басшысының ұсынысымен 2019 жыл "Жастар жылы" деп жарияланды. Алда "Жастар жылында" жастардың медицина саласына қосар үлесі көп. Біздің басты мақсатымыз медициналық қызметтің жоғары дəрежеде болуы мен анықтығы. Жəне науқастармен дұрыс сөйлесе білу, өздерінің тактикаларын анықтап алу. Сол себепті біздің жас мамандарымыз қол жетімді түрде тəжірибе алмасу жəне біліктілікті арттыруы қажет. Сонда ғана халық өз денсаулығын жастарға сеніп тапсыра алады.