ЖЕТІСТІКТЕРГЕ ТОЛЫ ЖЫЛ БОЛМАҚ

Ілгері буынның толысқан тәжірибесін кейінгі толқынның жалын-жігерімен тұтастыра білген коғамның түтіні түзу, мерейі үстем болары анық. Әсіресе қазіргідей ғылыми-техникалық даму заманында, бәсекелестіктің бәсі жүріп тұрған уақытта жас буынның белсенділігі өте қажет. Елбасы Н.Назарбаевтың биылғы жылды«Жастар жылы» деп жариялауы – жастарды қолдауды мемлекет саясатының басымдығына айналдыруды көздейді. Бұл жастар артылған зор жауапкершілік, үлкен серпіліс. «Отан отбасынан басталады» демекші жастар жылы аясында жас отбасыларға ерекше көңіл бөлінгені жөн секілді. Оларға деген әлеуметтік қолдаудан бұрын түрлі сипаттағы ортақ мәселелердің шешімін табу мақсатымен сұқбат алаңдарды ұйымдастыруды қажет деп санаймын. Жастар жылы жігерлі жастардың жолын ашар жасампаз жетістіктерге толы жыл болмақ.