Қазақстан дұрыс тамақтанбайтын елдердің ондығына енді

Германия ғалымдары 1990-2016 жылдар аралығында Қазақстанда дұрыс тамақтанбау салдарынан 100 мың адамға шаққанда 306 адам қайтыс болған деп отыр.

Йенадағы Фридрих Шиллер университетінің ғалымдары дұрыс тамақтанбау салдарынан болатын өлім-жітімі көп елдердің рейтингін жария етті.

Басылымның хабарлауынша, ғалымдар әлем елдерінде 1990-2016 жылдар аралығында зерттеу жүргізген. Зерттеудің нәтижесінде “ТМД елдерінің халқы денсаулыққа қауіп төндіретін тамақ жейді” деген қорытынды жасалып отыр.

“Қауіпті тағам” тұтынатын елдердің алғашқы ондығын ғалымдар былайша түзген:

Өзбекстан (дұрыс тамақтанбау салдарынан 100 мың адамға шаққанда 394 адам қайтыс болған);
Түрікменстан (дұрыс тамақтанбау салдарынан 376 кісі өлімі тіркелген);
Қырғызстан (350 кісі өлімі);
Украина (349 өлім);
Молдова (328 өлім);
Әзірбайжан (319 өлім);
Беларусь (313 өлім);
Тәжікстан (310 өлім);
Қазақстан (306 өлім);
Ресей (291 өлім).

Осы көрсеткіш бойынша халқы сапалы, пайдалы тамақ тұтынатын елдердің үздік ондығы да жасалған.