Партияның саяси доктринасында аталған ортақ мүдделер бойынша мәселелерді шешу үшін мүдделері біріккен азаматтардың белсенділігі аса маңызды. «Нұр Отан» партиясы Қармақшы аудандық филиалының ұйымдасыруымен түрлі шаралар жүзеге асырылып келеді. Осы ретте «Кедергісіз келешек» партиялық жобасы аясында жалғыз басты көз мүгедегі Жосалы кентінің тұрғыны Елеуов Кенжебек Архабайұлы жағдайын айтып, Қармақшы аудандық партия филиалы төрағасының бірінші орынбасары, аудандық мәслихат депутаты Буханов Дастан Әбдібекұлының қабылдауына болып, қысқы отын алуға көмек сұраған болатын. Өтінішіне сәйкес К.Елеуовке аудандық орман шаруашылығы мекемесінің қызметкерлері қысқы отынын түсіріп, мәселесінің оң шешім табуына ықпал етті.