Қазақстанда әйелдердің зейнет жасы ұзарды
Қазақстанда әйелдердің зейнет жасы тағы ұзарды. 2019 жылдың бірінші қаңтарынан бастап елдегі нәзік жандылар 59 жастан зейнеткерлікке шығатын болады деп хабарлайды ҚазАқпарат.
Бұған дейін әйелдер зейнетке 58 жаста шығатын еді.
Зейнетпен қамтамасыз ету туралы қабылданған заңға сәйкес, 2018 жылдан бастап зейнет жасы жыл сайын алты айға ұзарып отырады.
Нәтижесінде, 2027 жылдан бастап әйелдер де ер адамдармен қатар 63 жаста зейнеткерлікке шығатын болады.
kaz.nur.kz
